Շնորհավոր սեպտեմբերի մեկ...

Շնորհավորում եմ ձեզ սեպտեմբերի մեկի՝ Գիտելիքի օրվա և նոր ուսումնական տարվա մեկնարկի կապակցությամբ: Առանձնակի ջերմությամբ ուզում եմ շնորհավորել առաջին դասարանցիներին ու հույս հայտնել , որ տոնական այս օրը նրանց ուղեկից կլինի կրթության բոլոր աստիճաններում: Շնորհավորելով բոլորիս նոր ուսումնական տարվա սիզբն ավետող սեպտեմբերի  1-ի կապացութամբ ՝ ցանկանում եմ հետաքրքիր , հաջողութույններով լի տարի:
 

Հայտնի Հարթաշենցիները

ՍՍՀՄ ժուռնալիստների միության անդամ՝ Լալազար Խաչյան

(Ստորև վերարտադրում եմ Լալազար Խաչյանի ինքնակենսագրականը)

Խաչատուր (Լալազար) Մկրտիչի Խաչյանը ծնվել է 1900թ. ՀԱՅԿ.ՍՍՀ. Գորիսի շրջանի Մաղանջուղ գյուղում՝չքավորի ընտանիքում: 1912-1925թթ. եղել է գյուղի հասարակական նախրապան: 1921-1925թթ.եղել է Մաղանջուղ գյուղի կոմերիտմիության բջիջի քարտուղար: 1925թ. անցել է կոմկուսի շարքերը որպես թեկնածու:1925-1926թթ.-ին եղել է մեր գյուղի կոմբջիջի քարտուղար: ՍՄԿԿ անդամ է 1927թ.ապրիլից: 1927թ.փետրվարից մինչև 1931թ.օգոստոսը եղել է Մաղանջուղ Գյուղսովետի Գործկոմի նախագահ: 1931թ.-ի սեպտեմբերին առաջ են քաշել Երևանի <<Սոց.գյուղ>> Մաճկալ թերթի խմբագրությունում աշխատելու որպես հրահանգիչ մինչև 1932թ. սեպտեմբերը: 1932թ. աշնանը գյուղի կոլտնտեսականների պահանջով և Հայկոմկուսի Կենտկոմի քարտուղար Աղասի Խանջյանի կարգադրությամբ ազատել են թերթի աշխատանքից և ուղարկել Մաղանջուղ գյուղի կոլտնտեսության նախագահ մինչև 1935թ. նոյեմբերը:Հիվանդության պատճառով 1 տարի ընդմիջումից հետո 1936-1950թթ. սեպտեմբերը կրկին եղել է նույն կոլտնտեսության նախագահ: Որոշ ընդմիջումից հետո 1953թ. նորից կոլտնտեսության նախագահ: 1954թ. Ձորաշեն գյուղի կոլտնտեսության հետ մնալու պատճառով Գորիսի կուսշրջկոմի որոշմամբ ուղարկել են այդ գյուղի կոլտնտեսության նախագահ:Ժամանակավոր ընդմիջումից հետո 1957թ. փետրվարից մինչև 1958թ. փետրվարը կրկին Ձորաշենի կոլտնտեսության նախագահ: 3 տարի թեթև աշխատանքներ կատարելուց հետո 1960թ. մայիսի 1-ից մինչև 1963թ. մարտի վերջը եղել է Ազատաշեն,Այգեձոր և Ձորաշեն գյուղերի միավորված գյուղական Սովետի Գործկոմի նախագահ:

ՀԱՄԱՅՆՔԻ ՂԵԿԱՎԱՐ ԵՎ ԱՎԱԳԱՆԻ

Համայնքի ղեկավար` Գագիկ Վանեսյան

Ծնվել է 1983 թվականի մարտի 12-ին, ՀՀ Սյունիքի մարզի Հարթաշեն գյուղում:

2000 թվականին ավարտել է Հարթաշենի միջնակարգ դպրոցը, 2012 թվականին՝ Գորիսի պետական համալսարանի Ձեռնարկությունների տնտեսագիտություն և կառավարում բաժինը: 2003-2007 թվականներին աշխատել է արտերկրում: 2008-2011 թվականներին եղել է անհատ ձեռներեց: 2011 թվականից մինչև 2012 թվականի նոյեմբերի 12-ը աշխատել է Հարթաշեն գյուղական համայնքի ղեկավարի տեղակալ: 2012 թվականի սեպտեմբերի 9-ին ընտրվել է Հարթաշեն գյուղական համայնքի ղեկավար: Հարթաշեն գյուղական համայնքի ղեկավարի լիազորությունները ստանձնել է 2012 թվականի նոյեմբերի 13-ից: Ամուսնացած է ունի 2 երեխա:

Հարթաշենի պատանի երկրապահները

Հարթաշենի պատանի երկրապահները մարտի 5-ին մասնակցեցին Երևանում՝ Եռաբլուրում կայանալիք միջոցառմանը՝ նվիրված Վազգեն Սարգսյանի ծննդյան

54-ամյակին: Աշակերտները ներկա գտնվեցին պատանի 

երկրապահների հանդիսավոր երդման արարողությանը: Միջոցառմանը մասնակցած հազարավոր աշակերտների մեջ,նրանք ցուցաբերեցին ակտիվ մասնակցություն: Պատանի երկրապահներին ուղեկցում էին զինղեկ Ս.Լալազարյանը և ֆիզղեկ Է.Գալստյանը: Նրանք գիշերեցին զինակոչիկների հավաքակետում, մասնակցեցին միջոցառմանը, այցելեցին Վ.Սարգսյանի տուն-թանգարան և վերադարձան: Ըստ զինղեկի, ամեն ինչ կազմակերպված էր պատշաճ և բարձր մակարդակով: Աշակերտները վերադարձան էլ ավելի ոգևորված ու հիացած:

Համոզված ենք,որ մեր ապագան հուսալի ձեռքերում է :

ՀԱՋՈՂՎԱԾ ՆԱԽԱՁԵՌՆՈՒԹՅՈՒՆ. . .

Երեկ ՝ապրիլի 8-ին մեր համայնքում հայտարարված էր ծառատունկ: Ծառատունկին մասնակցում էին ոչ միայն համայնքապետարանն ու դպրոցականներն, այլ նաև գյուղի փոքրիկները, ովքեր իրենց աշխատասիրությամբ, իրենց փոքրիկ թաթիկներով ու եռանդով փորձում էին ետ չմնալ մեծերից: Նրանք տեղափոխում էին տնկիները, տնկում,ջրում.....
Ամեն ինչ կատարվել է սիրով և գեղեցիկ: Ծառատունկը համեմվել է տարածքի կանանց հյուրասիրած սուրճի սեղանով:
Ծառատունկի նպատակը ոչ միայն չինարիներով պատելն էր ֆուտբոլի դաշտը,այլ սերմանել փոքրիկների մեջ սեր դեպի բնությունը,դեպի հայրենի բնության պահպանումը և խնամքը:Երեխաներից ոմանք արդեն ունեն իրենց ծառերը,որոնք իրենք են տնկել և համոզված եմ, որ կշարունակեն խնամել:Այսօր առավոտյան՝ դպրոց գնալիս, արդեն տեսնում էի թե ինչպես երկրորդ դասարանի աշակերտներից մեկը՝ պայուսակից հանելով մի շիշ ջուր, ջրում էր իր և ընկերոջ ծառերը:Հենց այդ պահին նախաձեռնությունը համարեցի ստացված: Կարծում եմ,որ այդ ոգևորությունը շարունակական բնույթ կկրի: Պատրաստվում ենք ծառատունկը շարունակել մշակույթի տան շրջակայքում: